Dans met My

Ek het jou toegedraai in watte

en met dooie oë na jou gestaar

Kon nooit vind wat diep binne jou lê

So geheimsinnig soos 'n sluier

So morbied soos die donker..

Moet ek wonder- Is dit jy?

Wat skuil agter die deure van jou oë?

Wees tog kind as jy my lewenslus bewonder

Ek staan soekend langs jou

met die letsels van die lewe

Leef deur die wind wat die blare roer

as ek jou stem nie langer kan hoor

Sing vir my deur die riete

Gee my jou hand

Net 'n stukkie van jou

Die sout van jou trane

Die diepte van jou liefde

En...

Voor jou asem jou beveel om vir ewig stil te bly

Dans met my..

Janie Davel

3 Oktober 2010